SAY NO TO UMNO/BN

Jalai nyambung pelajar enggi kitai Iban sengaja ditejal orang ambi ke kitai tasal laun mansang. Kereja perintah kitai Iban mati tusah alah laban bansa Abdullah enggau Tugau tuai. Api, jalai alun, ai kitai Iban maioh enda di beri awak ke seruran rimpi mabun laya.

Pala tanah kitai Iban pen enda diberi perintah awak ke nyamai di tujah lalu di beri ngagai kaban company sida YB Barisan.

Ba jalai dagang kitai Iban pen enda di beri peluang awak ke seruan ngining Cina, Laut, Melanau enggau bansa ti kaya. Ba politik kitai Iban napi indik, untak diurik, mata dipantik awak ke lungau enda meda nadai seput kena ngeleda. Pengajar di ulu pen diberi agai Melayu Malaya ambi ke sida bulih elaun maioh nyadi raja bulih reta. Nyunting Barisan nya baka ngerawang jalai ke sebayan ke ulun Chendan enggau Chaung jai sada.

Ngundi PKR nya chara kitai Iban malas penyaie Najib, Taib, George Chan, James Masing enggau Jabu. Milih Calon Pakatan Rakyat nya tanda kitai Iban enda ulih di engkaramba orang ngapa awak ke kitai majak mansang senang belama. Enti undi kitai Iban alah dibeli BN reti nya kitai bansa sigi nadai rega, nadai nama, nadai rita.

Enti PAKATAN RAKYAT alah, kitai Iban majak dikemeli, dikembula, dikelanyai ke BN - nadai pala tanah, nadai pemansang manah serta berega - mina bulih sepir pemansang. UNDI PKR asuh menang! kitai Dayak awak ke nyadi Kepala Menteri Sarawak ila. Anyut ke Taib mahmud ambi ke iya badu agi dipeda.

Sida Temenggung, Pemancha, Pengulu, Tuai Rumah Kunsila BN ukai orang ke patut dititih laban sida pan digaji BN makai rakyat. Enti kita mending ke jaku sida, reti nya kita ditu baka nganjung paung empa jani Taib, Jabu , Masing , Mawan - orang ti teleba beridup nginsap darah bansa diri empu.Mimit bejaku nyebut SALCRA & LCDA laban kitai iban mudah dikemula senang dikelesey. Iban ti udah kena nemu SALCRA & LCDA nya nipu, orang ke amat bulih penguntung nya mina Taib, Jemut & Jabu.

Apai, indai aki, ini, aka, menyadi - dani mih kitai ari mimpi ti dibai Jabu, Jemut & Mawan enggai ke kitai empu, anak telesak, uchu ambu, ichit wit kitai ila nyadi ulun Taib & BN!Enti Jabu & Jemut madah ke PKR tu parti ari Malaya, BN ke betuai ke UMNO pan ukai datai ari Lubang Baya Tapang Peraja. PKR tu amat parti baru tang BN sigi udah lama ditemu Bula + Nipu (B+N).

Masuk Malaysia 47 taun ngasuh Iban majak merinsa enda nyenyalah baka rari ke ribut tetemu ke ujan, rari ke sungkup tetemu ke pendam, ko jaku deka ngiga pengidup tang ngasuh nyau nyadi ulun parti Barisan.. Aram Kitai sama bela nguji Pakatan Rakyat.. Kada enda manah agi ari sida Barisan.. Uji dulu meh.. BERUBAH MEH!!